როგორ გავაკეთოთ ინდიელის გვირგვინი

ივნისი 21, 2013 by თამუნა გაბისონია 3 Comments

ინდიელის გვირგვინის გასაკეთებლად დაგჭირდებათ:

1. სქელი დიდი ფორმატის ქაღალდი
2. ხარისხიანი ქაღალდის წებო
3. მაკრატელი
4. ორი სხვადასხვა ფერის ნაჭერი

როგორც სურათიდან ჩანს, ჩვენ მაგიდის ტილოს ფერადი ნაჭრები გამოვიყენეთ, რომელსაც ყველგან შეხვდებით.

პირველ რიგში უნდა გამოვჭრათ განიერი ზონარის ფორმის ქაღალდი, იმ ზომის რომ თავზე მოერგოს იმას ვისთვისაც აკეთებთ :).

ამის შემდეგ გამოვჭრათ სამკუთხედები ფერადი ნაჭრებისგან და თანმიმდევრულად ვაწებებთ ქაღალდზე.

არ იდარდოთ თუ დაწებების დროს აღმოაჩენთ, რომ ყველა სამკუთხედი ზუსტად არ ჯდება ქაღალდზე და ცდება ქაღალდის ზომებს ან პირიქით. ამის გამოსწორების საშუალება გექნებათ ბოლოს, ყველა სამკუთხედის დაწებების შემდეგ. შეგიძლიათ მაკრატლის საშუალებით ქაღალდიც და ნაჭრებიც ყველა ერთმანეთს გაუთანაბროთ.

ქაღალდის ეგრეთწოდებული ზონარის დასრულების შემდეგ გამოჭერით ბუმბულის ფორმა ასევე სქელი ქაღალდისგან და ორივე მხრიდან დააწებეთ ფერადი ნაჭერი. შეგიძლიათ ერთი ან რამდენიმე ბუმბულის ფორმა გაუკეთოთ თქვენს გვირგვინს, ეს თქვენზე და თქვენი შვილის სურვილსა და გემოვნებაზე იქნება დამოკიდებული.

ყველა ზემოთ აღწერილ ინსტრუქციას თუ მიყვებით აი ასეთი გვირგვინი გამოვა.

ასეთი გვირგვინი საზაფხულო თამაშებს მეტ ხალისს შესძენს 🙂

მარიკუნა

მარი

ნიკუშა და სანდრო