პატარა ჟირაფი

ბავშვის აღზრდა და განათლება


5 Comments

ჩვენი ჯადოსნური მინიატურული სოფელი

როგორც ყველა, ჩვენც ვცდილობთ ხოლმე ზაფხული საინტერესოდ გავატაროთ. ამისთვის ზაფხულის დაწყებამდე (ან დასაწყისში მაინც) ვგეგმავთ სახალისო აქტივობების სიას, რომლებიც შეიძლება გავაკეთოთ მთელი ზაფხულის განმავლობაში. სიას, როგორც წესი, ზუსტად არასოდეს მივყვებით, მაგრამ ასეთი გეგმის არსებობა გვეხმარება მიმართულების არჩევაში და საინტერესო აქცენტების გაკეთებაში.

შარშან ზაფხულსაც გავაკეთეთ ასეთი სია და ბევრი საინტერესო რამ ავირჩიეთ გასაკეთებლად. როგორც მოსალოდნელი იყო, ბევრი რამ დაგვრჩა განუხორციელებელი, მაგრამ ბევრი რამეც მოვახერხეთ. ერთ-ერთი ასეთი რამ იყო ჯადოსნური მინიატურული სოფლის გაკეთება.

ეს ამბავი დაიწყო ჩვენი საყვარელი საქმით – ქვების მოხატვით. ამ საქმის გასაკეთებლად კი ინსპირაცია მოგვცა იმ ქვებმა, რომლებსაც პატარა სახლების ფორმა ჰქონდა. ასეთ ქვებს აბა ხელიდან როგორ გავუშვებდით და შევუდექით საქმეს. შევღებეთ ნაპოვნი ქვები და ვაქციეთ ისინი პატარა ჯადოსნურ სახლებად.

ქვების მოხატვა

შემდეგ ამ სახლებს მოვუძებნეთ პატარა მყუდრო ადგილი და თითოელმა მათგანმა დაიკავა თავისი კუთვნილი ადგილი მომავალ სოფელში. ჯადოსნური სოფელისახლებისთვის ადგილის გამოყოფასთან ერთად ნელ-ნელა გაგვიჩნდა ახალ-ახალი იდეები. ყოველ დღე ვფიქრობდით იმაზე თუ როგორ შეიძლებოდა ჩვენი სოფლის კიდევ უფრო გალამაზება და ჯადოსნური ელფერის კიდევ უფრო გაძლიერება. მოკლედ ასე გაჩნდა ერთ-ერთ სახლთან პირველი ბილიკი.

ლობიოს თესლები

მეტი ჯადოსნურობისთვის გადავწყვიტეთ, რომ ჩვენს სოფელს სჭირდებოდა ხეები და ამ საქმისთვის აბა ლობიოზე უკეთესი რა უნდა ყოფილიყო. მოკლედ ბავშვებმა დათესეს ლობიო ამ პატარა სოფელში და ყოევლდღე ამოწმებდნენ მათი ზრდის ტემპს.

მოვლამ და ზრუნველობამ შედეგი გამოიღო და ჩვენი ლობიოს ხეებიც ნელ-ნელა გადაიქცნენ ჯადოსნურ ხეებად.

სოფელი ჭის გარეშე ხომ ვერ იქნებოდა? ჰოდა, ჩვენც გავუკეთეთ სოფელს ერთი პაწაწუნა ჭა.

დავამონტაჟეთ ჭა:) და გავიყვანეთ ბილიკები

ჯადოსნური სოფელი ჯადოსნური სოკოების გარეშე ხომ არ შეიძლება? ნამდვილად არა! ამიტომაც შევუდეგით ზღაპრული სოკოების გაკეთებას.

თიხის სოკოები

ესეც ჩვენი ჯადოსნური სოკოები

ჯადოსნური სოკოები

სოკოებს დაემატა ჯადოსნური კაფე:)

მინიატურული კაფ

შემდეგ აუზი თავისი ოქროს თევზებით

ოქროს თევზები

შემდეგ ფერადი ჰამაკი

მინიატურული ჰამაკი

ჭასთან ფერადი ვედრო. შემდეგ ნელ-ნელა გაჩდნა მოსახლეობაც.

ჯუჯების ჭა

ჯერ ჭიამაიები

23შემდეგ კი ლოკოკინები

ლოკოკინები

ბოლოს სოფელში პატარა ჯუჯიკოც კი გამოჩდნა

ჯადოსნური კაფეჩვენი სახალისო პროექტზე მუშაობის ბოლო ეტაპზე კი მოხდა განსაკუთრებული რამ, ჩვენს სოფელთან საიდანღაც მოულოდნელად გაჩდნა ზღარბი, რაც ბავშვებისთვის იყო სრული საოცრება.

ზღარბი ჯადოსნურ სოფელშიმოკლედ ასეთი სახალისო რამ გავაკეთეთ შარშან ზაფხულს, რომელმაც დიდი და პატარა ერთნაიარად გაახალისა.

ჯადოსნური მინიატურული სოფელი


2 Comments

როგორ შევარჩიოთ წიგნები ყველაზე პატარებისთვის

წიგნები 0-დან 6 თვემდე ჩვილებისთვის

შეიძლება გაგიკვირდეთ, მაგრამ1234 წიგნებთან ურთიერთობის დაწყება არასოდეს არ არის ადრე, თუმცა 0-6 თვემდე ასაკში იმდენად დიდი მნიშვნელობა არ აქვს იმას თუ რას ვუკითხავთ პატარას, რამდენადაც იმ ფაქტს, რომ ჩვილს ჰქონდეს მისთვის საყვარელი ხმის – მშობლის ხმის, გაგონების საშუალება. თუ თქვენს საყვარელ პატარას გულზე მიიკრავთ და ასეთ თბილ გარემოში წარმართავთ კითხვის პროცესს, მისთვის წიგნის კითხვა მთელი ცხოვრების მანძილზე გახდება ძალიან პოზიტიური ემოციების მატარებელი.

ასაკობრივი თავისებურებების გათვალისწინებით, ექსპერტები გვირჩევენ წიგნების შემდეგი ნიშნებით შერჩევას:

0-დან 2 თვემდე

faces-for-baby-1რადგანაც 2 თვემდე ჩვილებში მხედველობა ჯერ კიდევ ჩამოყალიბების პროცესშია, სასურველია ამ პერიოდისთვის აირჩიოთ წიგნები დიდი კონტრასტების მქონე ილუსტრაციებით. საუკეთესო ვარიანტია წიგნები შავ- თეთრი ფერის ილუსტრაციებით , თუმცა როგორც თავიდან აღვნიშნეთ ამ ასაკში, მთავარია მოუსმინოს თქვენ ხმას, ამიტომაც შეგიძლიათ უკითხოთ ნებისმიერი წიგნი.

2-დან 4 თვემდე

123ორი თვიდან პატარა იწყებს მისთვის საინტერსო ნივთებისა თუ სურათების საკმაოდ დაჟინებით თვალიერებას.  ამ პერიოდიდან ბავშვები იწყებენ ფერების განსხვავებასაც და უკვე შეუძლიათ ნივთებისთვის ხელის ჩავლებაც. ამ თავისებურებების გათვალისწინებით სასურველია შეარჩიოთ წიგნები ძალიან მარტივი და დიდი ზომის ნათელ ფერებში წარმოდგენილი ილუსტრაციებით და გაითვალისწინეთ, თქვენი ხმის მოსმენაა ამ დროს განსაკუთრებით მნიშვნელოვანი.

 


4-დან 6 თვემდე

1234ამ ასაკში თქვენი პატარა კიდევ უფრო ავითარებს ნივთების დაჭერის უნარს და ამ პერიოდისთვის საუკეთესოა რბილი მასალისაგან, ნაჭრისგან  დამზადებული წიგნები, ადამიანებისა და ნაცნობი ნივთების მარტივი სურათებით, წიგნები რომელთა დასველებაც შესაძლებელია/აბაზანის სათამაშო წიგნები და წიგნები, რომლებიც დამზადებულია „ჩხარუნა“ ხმის გამომცემი ნაჭრისგან. ამ ასაკისთვის გათვლილ ზოგიერთ წიგნს აქვს სპეციალური რბილი მასალა, რომელიც გათვალისწინებულია პირში ჩასადებად.

123

123

123

123

 

 

 

 

წიგნები 6-დან 12 თვემდე პატარებისთვის

123

ამ ასაკში პატარებს მხედველობა იმდენად აქვთ უკვე განვითარებული, რომ შეუძლიათ შედარებით გართულებული ილუსტრაციების გარჩევა. უკვე შეგიძლიათ იხალისოთ თქვენი პატარასთვის მარტივი ილუსტრაციების აღწერით, თუ რა თქმა უნდა მოახერხებთ იმას, რომ პატარა ამ დროს წყნარად დასვათ.

ერთ წელს მიახლოებული ბავშვები სულ მოძრაობაში არიან, უყვართ წიგნების ხელის ჩავლება და გვერდების გადაფურცლა. ამიტომაც ექსპერტები გვირჩევენ, რომ ამ ასაკში ბავშვებს წავუკითხოთ დღეში რამდენჯერმე დაახლოებით 3 წუთის განმავლობაში. თუ ასე მოიქცევით, არ მოგიწევთ თქვენს პატარასთან ჭიდილი მისი ყურადღების მისაპყრობად.

12318 თვეზე პატარა ბავშვებისთვის ხშირად ძალიან ძნელია რთულ ილუსტრაციებში გარკვევა, რომლებსაც დიდები მარტივად აღიქვამენ. მარტივი ილუსტრაციები კი საშუალებას აძლევს მათ გაერკვიონ იმაში, რასაც წიგნში ხედავენ.

ასაკობრივი თავისებურებების გათვალისწინებით, ამ პერიოდში სასურველია შეიძინოთ:

  • წიგნები პატარა ბავშვების ფოტოებით
  • სქელი მუყაოსგან დამზადებული წიგნები, რომლის გვერდებზეც ნახავთ სხცადასხცა ნაჭერსა თუ მასალას პატარასთვის ხელის შესახებად (ამ ტიპის წიგნებს უწოდებენ შეხება-შეგრძნების წიგნებს)
  • წიგნები, რომელთა პირში ჩადებაც შესაძლებელია (არსებობს სპეციალური მასალისგან დამზადებული ერთი შეხედვით ქაღალდის წიგნები, რომელთა გარეცხვაც შესაძლებელია და არ იხევა ბავშვი თუ პირში ჩაიდებს), ასევე არსებობს სპეციალური რბილი დაბოლოების მქონე წიგნები, რომლებიც გათვლილია პირში ჩასადებად.
  • წიგნები ნაცნობი ნივთების სურათებით, როგორიცაა ბურთები და ბოთლები, სასურველია, რომ ერთ გვერდზე იყოს მხოლოდ ერთი ნივთის სურათი.
  • ინტერაქტიული წიგნები სათამაშოს, ჩასაკეცი და სამოძრაო ელემენტებით.

123

123

წიგნი პატარებისთვის

 

 

 

 

 

წიგნები 1-დან 2 წლამდე ბავშვებისთვის

123დაახლოებით 12 და 18 თვემდე პერიოდში, თქვენი პატარა იწყებს იმის აღქმას, რომ ის ბგერები, რომელთაც თქვენ წიგნის კითხვის დროს წარმოთქვამდით, ანუ სიტყვები, რეალურად რაღაცას ნიშნავს. რაც უფრო მეტს დაელაპარაკებით და წაუკითხავთ თქვენს პატარას ამ პერიოდში (და საერთოდაც დაბადებიდან) მით უფრო მდიდარი იქნება მისი სიტყვების მარაგი.

ამ ასაკში ეცადეთ შეარჩიოთ ვიზუალური მასალით დატვირთული წიგნები, ხშირად გამეორებული სიტყვებით, ნაცნობი და უცნობი ნივთების მკაფიო სურათებით. როდესაც ხმამაღლა უკითხავთ, ხშირად შეჩერდით, რათა დასვათ შეკითხვები იმ ნივთების გარშემო, რაც წარმოდგენილია ილუსტრაციებში, უპასუხეთ თქვენი პატარას კითხვებს და ისაუბრეთ წიგნში მიმდინარე მოქმედებებზე.

ამ ასაკობრივი ჯგუფისთვის არ გჭირდებათ წიგნებზე დიდი თანხის დახარჯვა. სამი ოთხი მარტივი წიგნის წიგნი პატარასთვისხშირად მოსმენა უფრო კარგია ამ ასაკში, ვიდრე სულ ახალ-ახალი წიგნების გაცნობა თქვენი პატარასთვის.
ამ ასაკში პატარები ცდილობენ ყველაფერში კარგად გარკვევას, ამიტომაც საჭიროა მათ ერთიდაიგივე ამბავი მოისმინონ ბევრჯერ, რათა კარგად გაიგონ და შეისწავლონ რაც ხდება მოცემულ ამბავში. როცა რაღაც ნაცნობი და გასაგებია, ბავშვის თავდაჯერებულობა იმატებს. ძალიან ცოტა რამ არის ბავშვებისთვის ამ ასაკში ნაცნობი და გასაგები, ხოლო ერთი წიგნის ბევრჯერ წაკითხვით ისინი კარგად იმახსოვრებენ თუ რას რა მოყვება წიგნში და უცებ აღმოაჩენენ, რომ ამ ამბის ექსპერტები არიან. ამიტომაც ნუ გაღიზიანდებით და გამოიჩინეთ მოთმინება თუ ერთიდაიგივე წიგნის ძალიან ბევრჯერ წაკითხვითა და ძალიან ბევრ კითხვაზე პასუხის გაცემით არ ამოიწურება თქვენი პატარას ინტერესი ერთი კონკრეტული წიგნის მიმართ.

ამ ასაკისთვის სასურველია შეიძინოთ:

  • მაგარი მუყაოს წიგნები, რომელთა ხელში დაჭერასა და ტარებას შეძლებს თვენი პატარა
  • წიგნები ბავშვების სურათებით, სადაც ადგილი აქვს ნაცნობ მოქმედებებს, მაგალითად წიგნები, სადაც ნაჩვენებია თუ როგორ იძინებენ ან თამაშობენ ბავშვები ან პატარა ცხოველები.
  • წიგნები თემით „ძილი ნებისა“.
  • წიგნები თემით „გამარჯობა და ნახვამდის“
  • წიგნები მინიმალური ტექსტით თითოეულ გვერდზე
  • წიგნები ძალიან მარტივი ლექსებით
  • წიგნები ნათელი ფერის ილუსტრაციებით
  • წიგნები, “შეხება-შეგრძნებისთვის” გათვალისწინებული მასალებით
  • წიგნები სხვადსხვა ცხოველებზე.

 

123

123

2

 

 

 

 

 

გამოყენებული რესურსები:

Starter library for newborns to 6-month-olds

Starter library for 6- to 12-month-olds

Starter library for 1- to 2-year-olds

Tips for Choosing Books for Babies and Toddlers


დატოვე კომენტარი

რატომ არის მიუღებელი ბავშვის ფიზიკური დასჯა

1ერთ მზრუნველ დედას, ანას, სჯეროდა, რომ ბავშვის ფიზიკური დასჯა იყო მშობლის უფლება და მოვალეობა. მისი აზრით,  ეს მიდგომა იყო აუცილებელი, რადგანაც ცემა დაეხმარებოდა მას დამჯერი ბავშვის აღზრდაში. თუმცა, რამდენიმე თვის ფიზიკური დასჯის შემდეგ, ანას შვილი ჩაიკეტა. დედა ამჩნევდა, რომ ბავშვმა დაიწყო მარტომ თამაში კუთხეში, აღარ აინტერესებდა სხვა ბავშვებთან ურთიერთობა და თვალებში აღარ უყურებდა დედას. ბავშვს სრულიად დაკარგული ჰქონდა მისი ადრინდელი ხალისი. გარეგნულად ის იყო „კარგი ბიჭი“, მაგრამ შინაგანად თავს ძალიან ცუდად გრძნობდა. ბავშვი ფიქრობდა, რომ რადგანაც იმსახურებს ცემას, ესეიგი ის ძალიან ცუდია. ის გრძნობდა თავს უსუსურ, უფროსების მიერ დამორჩილებულ, საცოდავ, პატარა არსებად.

ბავშვის თვითშეფასება იწყება სხვების მიერ, განსაკუთრებით კი მისი მშობლების მიერ, მისი პიროვნების აღქმით. ყველაზე მოსიყვარულე ოჯახშიც კი, თუნდაც ძალიან მსუბუქი დარტყმა, ბავშვს ძალიან აბნევს. განსაკუთრებით თუ ბავშვი პატარაა იმისათვის, რომ გაიაზროს მისი ცემის მიზეზი. მშობლები, როგორც წესი, ძალიან დიდ დროს ხარჯავენ იმაზე, რომ ბავშვს აგრძნობინონ თავი ღირებულ ადამიანად, აფიქრებინონ, რომ ის „ძალიან კარგია“. მაგრამ ერთ დღეს ბავშვი შემთხვევით ამტვრევს ჭიქას და მშობლები ამისთვის მას ფიზიკურად სჯიან (თუნდაც ძალიან მსუბუქი ფორმით). ბავშვი ამ  დროს ფიქრობს: „რადგან მცემეს, ესეიგი მე ძალიან ცუდი ვარ“ და მშობლების მიერ აქამდე გაწეული ბავშვის თვითშეფასების ასამაღლებელი მთელი ძალისხმევა მთლიანად წყალში იყრება.

შესაძლოა თქვენ ფიქრობთ, „მე ხშირად არ ვურტყამ ჩემს შვილს ან ისე მაგრა სულაც არ ვცემ. უმეტესწილად, მას მე ვესიყვარულები და ძალიან თბილი ვარ მის მიმართ. ძალიან იშვიათი და თან მსუბუქი დარტყმის გამო, ის სულაც არ იდარდებს“. შესაძლოა თქვენი მოსაზრება სწორია ზოგიერთი ბავშვის შემთხვევაში, მაგრამ არიან ბავშვები, რომლებსაც ცემის/მსუბუქი გარტყმის ფაქტი უფრო ამახსოვრდებათ, ვიდრე მზრუნველობის შემთხვევები. შესაძლოა თქვენი აღზრდის მეთოდი მოიცავს ასი ჩახუტებიდან მხოლოდ ერთ მსუბუქ დარტყმას, მაგრამ, დიდია იმის ალბათობა, რომ სწორედ ამ ერთმა დარტყმამ უფრო მეტად იმოქმედოს ბავშვზე და უფრო დაამახსოვრდეს ეს ცემის ფაქტი, ვიდრე ის ასი ჩახუტება, განსაკუთრებით კი თუ დარტყმას ადგილი ჰქონდა გაბრაზებულ გულზე ან უსამართლოდ, რაც, როგორც წესი, ხშირად ხდება ხოლმე.

დარტყმა აუფასურებს მშობლისა და ბავშვის ურთიერთობას

ფიზიკური დასჯა აკნინებს მშობლის როლს და აუფასურებს მშობლისა და ბავშვის ურთიერთობას. ფიზიკური დასჯა ერთმანეთს აშორებს დამსჯელსა და დასჯილს. იყო ავტორიტეტი, ნიშნავს რომ შენ გენდობიან და პატივს გცემენ, მაგრამ არ ეშინიათ. ავტორიტეტის მოპოვება შიშით შეუძლებელია.

ის მშობლები, რომლებიც ფიზიკური დასჯის გზით ახდენენ მათი შვილების კონტროლს, ხშირად საკუთარ თავზე ცუდი წარმოდგენისანი არიან სწორედ ამ საქციელის გამო. გულის სიღრმეში მათ არ მიაჩნიათ ეს საქციელი გამართლებულად. ხშირად ისინი სცემენ ან უყვირიან ბავშვებს სასოწარკვეთილების გამო, რადგანაც არ იციან ბავშვთან კომუნიკაციის სხვა ხერხი. როგორც წესი, ასეთი მიდგომის გამოყენების შემდეგ, ისინი კიდევ უფრო უსუსურად გრძნობენ თავს,  განსაკუთრებით მაშინ, როცა აღმოაჩენენ, რომ ეს დასჯის ფორმა რეალურად არ მუშაობს. ერთ-ერთმა დედამ, რომელიც იყენებდა  ცემას, როგორც დასჯის მეთოდს, თქვა: „მე მოვიგე ბრძოლა, მაგრამ დავმარცხდი ომში! ახლა ჩემს შვილს ჩემი ეშინია და მე ვგრნძობ, რომ დავკარგე რაღაც ძალიან ძვირფასი.“

მშობლები, რომლებიც გამუდმებით იყენებენ ფიზიკურ დასჯას, როგორც ბავშვის კონტროლის მექანიზმს, თავს იგდებენ ორივე მხარისთვის წამგებიან მდგომარეობაში. ასეთ დროს არა მხოლოდ ბავშვი კარგავს მშობლის პატივისცემას, არამედ თვითონ მშობლებიც არასასურველ სიტუაციაში იგდებენ საკუთარ თავს. მათი გონება მხოლოდ ფიზიკურ დასჯაზეა მომართული და ისინი სრულიად კარგავენ სხვა ალტერნატივების მოფიქრების უნარს. როგორც წესი, ასეთ მშობლებს არ აქვთ არანაირი წინასწარ დაგეგმილი, გაანალიზებული სტრატეგიები ბავშვის ქცევისათვის სასურველი მიმართულების მისაცემად. ამის შედეგად ბავშვი კიდევ უფრო ცუდად იქცევა, რაც იწვევს მის უფრო ხშირ ფიზიკურ დასჯას. ასეთი მიდგომის შედეგად ბავშვი ვერ ავითარებს შინაგანი კონტროლის უნარს.

ფიზიკური დასჯა, როგორი “მსუბუქიც” არ უნდა გვეჩვენებოდეს ის, ასწავლის ბავშვს, რომ მისაღებია დაარტყა ადამიანს. ამ გზით ბავშვს ვეუბნებით, რომ მისაღებია ზრდასრულმა დაარტყას პატარას ანუ ძლიერმა დაარტყას სუსტს.  ასე, ბავშვები სწავლობენ, რომ პრობლემა თუ გაქვს, უნდა მოაგვარო მუშტით. ბავშვი, რომლის ქცევის მართვაც ხდება ძალადობრივი გზით, დიდი ალბათობით იგივე მეთოდს გამოიყენებს სხვებთან ურთიერთობის დროსაც: და-ძმასთან თუ თანატოლებთან, საბოლოოდ კი მეუღლესთან და შვილებთან.

ცემა არ აუმჯობესებს ბავშვის ქცევას

ბავშვისგან სასურველი ქცევის მიღების პრინციპია: ბავშვი, რომელიც თავს გრძნობს კარგად, იქცევა კარგად! ცემა ძირს უთხრის ამ პრინციპს. რაც უფრო ცუდად იქცევა ბავშვი, როგორ წესი, მით უფრო მეტ ცემას იმსახურებს და თავსაც უფრო ცუდად გრძნობს.

სწორი აღზრდისას, როცა ბავშვი ცუდად იქცევა, მშობლის მიზანია გააგებინოს, რომ მისი ქცევა მიუღებელია, რომ ის ცუდად მოიქცა, დააფიქროს ბავშვი, რათა მან იგრძნოს სინანული მისი საქციელის გამო. ამავდროულად ძალიან მნიშვნელოვანია, რომ ბავშვს ჰქონდეს კარგი წარმოდგენა საკუთარ თავზე და  ფიქრობდეს, რომ ის არის ადამიანი, რომელიც მშობლებისთვის ძალიან ღირებულია.

ბავშვები, როგორც წესი, ცემას აღიქვამენ როგორც უსამართლო სასჯელს. ძალიან ხშირად კი უსამართლობის გრძნობა გადადის სირცხვილის, შეურაცხოფის გრძნობაში. როდესაც დასჯის მეთოდი შეურაცხმყოფელია ბავშვებისთვის, ისინი უჯანყდებიან მშობლებს ან იკეტებიან საკუთარ სამყაროში.

ცემის ფაქტებს შეუძლიათ სხვა მხრივ ყველანაირად ბედნიერი ბავშობის დღეებისთის მძიმე დაღის დასმა. ადამიანი, როგორც წესი უფრო მეტად იხსენებს ტრამვულ შემთხვევბს მათი ცხოვრებიდან, ვიდრე სასიამოვნო მოვლენებს. ფიზიკური დასჯის არასასიამოვნო მომენტებს შეუძლიათ მთლიანად დაჩრდილონ და დაბლოკონ ბავშვობის კარგი მოგონებები.

ფიზიკურ დასჯა გრძელვადიანი ნეგატიური შედეგების მიზეზი ხდება. წარმოგიდგენთ კვლევების მოკლე მიმოხილვას, სადაც ნაჩვენებია ფიზიკური დასჯის გრძელვადიანი შედეგები:

  • ერთ-ერთმა გრძელვადიანმა კვლევამ უჩვენა, რომ ბავშვები, რომლებიც იზრდებოდნენ ისეთ ოჯახებში, სადაც ფიზიკური დასჯა აღზრდის მეთოდის შემადგენელი ნაწილი იყო, გახდნენ ასოციალურები და ეგოცენტრულები. ფიზიკური ძალადობა კი მათთვის გახდა პრობლემების მოგვარების მისაღები ფორმა.
  • 679 უნივერსიტეტის სტუდენტის გამოკითხვამ უჩვენა, რომ იმ სტუდენტებისათვის, რომლებსაც ახსოვდათ თუ როგორ ისჯებოდნენ ბავშვობაში ფიზიკურად, უფრო მისაღები იყო ბავშვის ფიზიკური დასჯა აღზრდის/დისციპლინის მიზნით. ეს სტუდენტები თვითონაც აპირებდნენ ამ მეთოდის გამოყენებას საკუთარ შვილებთან. იმ სტუდენტებს კი, რომლებიც ბავშვობაში ფიზიკურად არ ისჯებოდნენ, გაცილებით ნაკლები მიმღებლობა ჰქონდათ ბავშვის ფიზიკური დასჯის მიმართ, ვიდრე მათ, ვინც თვითონ ფიზიკურად ისჯებოდა ბავშვობაში.
  • კვლევამ, რომელიც შეისწავლიდა ფიზიკური დასჯის გავლენას ბავშვების აგრესიულ ქცევაზე, უჩვენა, რომ რაც უფრო ხშირად ისჯებოდა ბავშვი ფიზიკურად, მით უფრო დიდი იყო იმის ალბათობა, რომ ის უფრო აგრესიულად მოექცეოდა ოჯახის სხვა წევრებს და თანატოლებს.
  • კვლევამ, რომელიც შეისწავლიდა აქვს თუ არა რაიმე გრძელვადიანი ნეგატიური გავლენა მცირეწლოვანი ბავშვის დასჯას ხელებზე დარტყმით უჩვენა, რომ 3 წლამდე ბავშვები, რომლებიც ისჯებოდნენ ხელებში დარტყმით, ჰქონდათ სერიოზული ჩამორჩენა გარემოს კვლევის უნარების განვითარებაში.
  • იმ ზრდასრულებში, რომლებიც ფიზიკურად ისჯებოდნენ მათი მშობლების მიერ, ოთხჯერ მეტი იყო მეუღლის ცემის ფაქტი, ვიდრე მათში, ვინც არ ისჯებოდა ფიზიკურად.
  • 4-დან 1-ი მშობელი, რომელიც იზრდებოდა ოჯახში, სადაც ხშირი იყო ძალადობის ფაქტი, არ ერიდებოდნენ ბავშვების სერიოზულად დაზიანებას დასჯის დროს.
  • პატიმრებს შორის ჩატარებულმა კვლევამ უჩვენა, რომ ყველაზე საშინელი კრიმინალები გაიზარდნენ ძალადობრივ ოჯახურ გარემოში.
  • ცნობილი საშიში კრიმინალების, მკვლელების, ნარკომანებისა და ყაჩაღების ცხოვრების ისტორია უჩვენებს, რომ ბავშობაში ისინი იყვნენ გადამეტებული ფიზიკური ძალადობის მსხვერპლნი.

ფიზიკური დასჯის ნეგატიური ეფექტების დამამტკიცებელი კვლევები ძალიან ბევრია. ასობით კვლევა უჩვენებს, რომ:

  1. რაც უფრო მეტად ისჯება ბავშვი ფიზიკურად, მით უფრო მეტად აგრესიული ხდება ის.
  2. რაც უფრო მეტად ისჯებიან ბავშვები ფიზიკურად, მით უფრო მეტია იმის შანსი, რომ ისინიც იგივეს გააკეთებენ საკუთარ შვილებთან.
  3. ფიზიკური დასჯა თესავს შემდგომი ძალადობის თესლს.
  4. ფიზიკური დასჯა არ მუშაობს – ის ვერ აღწევს მიზანს!

ფიზიკური დასჯა არ იძლევა შედეგს

ბევრი კვლევა უჩვენებს ფიზიკური დასჯის ნეგატიურ შედეგებს, მაგრამ არც ერთი არ უთითებს, რომ მას მოაქვს რაიმე სარგებელი. ფიზიკური დასჯა, როგორც ბავშვისთვის, ასევე მშობლისთვის და ზოგადად საზოგადოებისთვის ნეგატიური ეფექტის მომტანია. ცემა არ წაახალისებს კარგ ქცევას, ის აშორებს ერთმანეთისგან შვილებსა და მშობლებს და ხელს უწყობს ძალადობრივი საზოგადოების ჩამოყალიბებას.

 

წყარო: 10 Reasons Not to Hit Your Child


დატოვე კომენტარი

გართობა ზაფხულში ბავშვებთან ერთად და ჩვენ სტუმრად რუსთავი2-ში

“რუსთავი 2” დაინტერესდა ჩვენი საზაფხულო გასართობების სიით და მიგვიწვია ამ თემაზე სასაუბროდ “სხვა შუადღეში”.  ჩვენც მივედით:) და ვისაუბრეთ იმაზე თუ რას და როგორ ვაკეთებთ ხოლმე ზაფხულობით. ბავშვებმა კი იქვე გააკეთეს იმის დემონსტრირება თუ რამდენად მარტივად შეიძლება სახალისო სათამაშოების საკუთარი ხელით გაკეთება.

ესეც ჩვენი ვიდეო.

11


დატოვე კომენტარი

როგორ გავაკეთოთ პინგვინი მუყაოს რულონის გამოყენებით

თუ გადაწყვიტეთ მხიარული ცხოველების გაკეთება ბავშვებთან ერთად, მაგრამ არ იცით, როგორ გააკეთოთ,  ნუ იღელვებთ. აქ ნაჩვენები სურათები, სადაც წარმოდგენილია მუყაოს რულონით პინგვინის გაკეთების თითოეული ეტაპი, დაგარწმუნებთ იმაში, რომ ასეთი რამის გაკეთება სულაც არ არის რთული. აქ მთავარია სურვილი და მონდომება.

პინგვინის გასაკეთებლად დაგჭირდებათ სამზარეულოს ქაღალდის გამოყენების შემდეგ დარჩენილი მუყაოს რულონი,  შავი, ნარინჯისფერი და თეთრი ქაღალდი, შავი საღებავი, მაკრატელი და წებო.

PENGUIN

 

თავდაპირველად მიეცით მუყაოს სასურველი ზომა – ანუ რა ზომის პინგვინის გაკეთებაც გსურთ. შემდეგ შეღებეთ მუყაო შავად. ამოჭერით ფრთები, ნისკარტი, ფეხები, თეთრი გულმკერდის ფორმა. დიდი და პატარა ზომის მრგავლი ფორმები თეთრი და შავი ქაღალდისგან თვალებისთვის (თუ ჭყეტელა თვალები გაქვთ, შეგიძლიათ პირდაპირ ის გამოიყენოთ) და ბოლოს სურათზე ნაჩვენები ფორმის ნარინჯისფერი ქაღალდი გვირგვინისთვის. ამისათვის ქაღალდს უბრალოდ ჩაჭრით წვრილ ხაზებად.

????????????????????????????????????

ამოჭრის დასრულების შემდეგ ვიწყებთ ფორმების დაწებების პროცესს. ვიწყებთ გულმკერდის ფორმით.

????????????????????????????????????

შემდეგ გადავდივართ თვალებზე. ჯერ ვაწებებთ ოდნავ დიდი ზომის თეთრ მრგავლ ფორმას და თეთრზე ზემოდან ვაწებებთ პატარა შავ წრეებს.

????????????????????????????????????

შემდეგ ვაწებებთ ნისკარტს.

ჩვენი ნამუშევარი უკვე დაემსგავსა პინგვინს, თუმცა ჩვენ არ ვჩერდებით და ვამატებთ სხვა დეტალებს, რომ ის კიდევ უფრო საყვარელი გახდეს:)

????????????????????????????????????

ვაწებებთ ფრთებს.

იმისათვის, რომ არ მოგვიწიოს ფრთების ხელებით დიდხანს დამაგრება, შეგვიძლია გამოვიყენოთ დამჭერი.

????????????????????????????????????

სანამ წებო შრება ფრთებზე, ჩვენ შეგვიძლია დრო არ დავკარგოთ და პინგვინს მივაწებოთ ფეხები.

????????????????????????????????????

ჩვენი სამუშაოს დამაგვირგვინებელი ეტაპია თვით გვირგვინის დამაგრება და ჩვენი სამეფო პინგვინიც მზად არის.

იმედი მაქვს, ეს სურათები გამოგადგებათ ერთი ლამაზი დღის, ბავშვებთან ერთად, კიდევ უფრო ლამაზად გატარებაში.


3 Comments

101 რამ, რაც გაახალისებს ბავშვებს ამ ზაფხულს

ზაფხული, მხიარულებისა და საინტერესო თავგადასავლების დროა, მაგრამ ხდება ისეც, რომ ხანდახან არ ვიცით რით გავერთოთ.

სწორედ ასეთ დღეებში შეიძლება გამოგადგეთ სია, რომელიც შეიცავს 101 იდეას ზაფხულის გასახალისებლად:

  1. გადაიღე პატარა ფილმიმაისურის ღებვა
  2. მოინახულე საინტერესო ადგილი
  3. ხელით მოხატე მაისური
  4. გამართე ოჯახური თამაშების საღამო
  5. გააკეთე მზის საათი
  6. ჩაატარე არქეოლოგიური გათხრები ზღვის სანაპიროზე
  7. გადაიღე სასაცილო სურათები
  8. დადგი სპექტაკლი მეგობრებთან ერთად
  9. ესტუმრე ბოტანიკურ ბაღს
  10. გაატარე რამდენიმე დღე ტელევიზორისა და კომპიუტერის გარეშე.
  11. დალაშქრე მთები
  12. გააკეთე სახალისო აპლიკაციები????????????????????????????????????
  13. ეწვიე ბიბლიოთეკას
  14. ააგე ქვიშის კოშკები
  15. დარგე ყვავილები
  16. დატკბი მზის ჩასვლით
  17. გააკეთე ფრანი შენ თვითონ
  18. დაწერე ზღაპარი
  19. შეხვდი მზის ამოსვლას მთაში
  20. მოიფიქრე ახალი თამაში
  21. გააკეთე ჭიანჭველების ფერმა
  22. აწარმოე დღიური
  23. ისწავლე როგორ გააკეთო ჭიამაიაების სახლი
  24. გაისეირნე ბუნებაში????????????????????????????????????
  25. გააკეთე თოჯინების თეატრი
  26. ეწვიე მუზეუმს
  27. გააკეთე ყვავილების გვირგვინი
  28. წადი სათევზაოდ
  29. წაიკითხე საინტერესო წიგნები
  30. გაბერე გიგანტური საპნის ბუშტები
  31. მოხატე ქვები
  32. ისწავლე ორიგამების გაკეთება
  33. გააკეთე ჩრდილების თეატრი ფანრის გამოყენებით
  34. გააკეთე სათამაშო ასანთის კოლოფით
  35. გააკეთე შენი ეზოს ან უბნის რუკა
  36. გააკეთე ჰერბარიუმი
  37. გაზარდე თავკომბალები და გაუშვი გუბურაში
  38. ისწავლე ხეზე აძრომა
  39. მოაწყვე მხიარული პიკნიკი
  40. დაიჭირე ციცინათელები, დააკვირდი და გაუშვი
  41. დახატე ნახატები ცარცით
  42. გამოაცხვე ნამცხვარი
  43. მოაწყვე შენი ნახატების გამოფენა
  44. დაიჭირე პეპლები (და გაშვებაც არ დაგავიწყდეს)
  45. გააკეთე ხილის ნაყინი
  46. მოიფიქრე ლექსები
  47. იპოვე ფიგურები ღრუბლებში
  48. წადი მდინარეზე ან ტბაზე
  49. გააკეთე  ნავი შენ თვითონ
  50. ისწავლე ახალი ცეკვა
  51. მოაწყვე ქაღალდის თვითმფრინავების შეჯიბრება
  52. გააკეთე მუყოას სახლი
  53. ისწავლე ახალი ფოკუსი
  54. დახატე ავტოპორტრეტი
  55. ივარჯიშე დილაობით
  56. გაუკეთე ვინმეს ძალიან მაგარი სიურპრიზი
  57. მოაწყვე პატარა წვეულება????????????????????????????????????
  58. გააცოცხლე ნივთები ჭყეტელა თვალებით
  59. იცეკვე წვიმაში
  60. გაისეირნე ნავით
  61. გააკეთე მახსოვრობის კარტები შენ თვითონ
  62. გააკეთე სამეფო ან სადედოფლი გვირგვინი
  63. გაისეირნე პარკში
  64. გააკეთე თოჯინა შენ თვითონ
  65. გააფორმე ძველი აბაჟური
  66. შექმენი ფიგურები ფერადი წებოვანი ბურბუშელით
  67. გააკეთე ჩიტუნების სახლი
  68. გააკეთე ანბანი ქვებზე
  69. გააკეთე ინდიელის გვირგვინი
  70. გააკეთე მშვილდისარი
  71. გააკეთე ლარნაკი პლასტმასის ბოთლის გამოყენებით
  72. გააკეთე მხიარული წიგნის სანიშნი
  73. ეწვიე სათაფლიის ნაკრძალს და გაიგე მეტი დინოზავრებზე
  74. შექმენი სახალისო ხელოვნების ნიმუში
  75. დათესე ვაშლის ხეები????????????????????????????????????
  76. გააკეთე სამაჯურები ფერადი რეზინებით
  77. ისწავლე მოლეკულების შესახებ ჯადოსნური რძის ექსპერიმენტით
  78. მოიფიქრე გამოცანები
  79. გაუკეთე სიკეთე უცნობ ადამიანს
  80. გაბერე ბუშტი სოდისა და ძმრის საშუალებით
  81. დატოვე წერილი შემდეგი მკითხველისთვის ბიბლიოთეკის წიგნში
  82. დაუთმე ვინმეს რიგი
  83. დაასუფთავე რომელიმე ადგილი მეგობრებთან ერთად
  84.  გააკეთე ჯადოსნური მინიატურული სოფელი
  85. დაურეკე ძველ მეგობარს
  86. ისწავლე სიმკრვივეზე და ტივტივზე ფორთოხლის ექსპერიმენტით
  87.  წაუკითხე წიგნი მოხუცს
  88. მიესალმე ხალხს ქუჩაში
  89. ვინმეს ასწავლე ახალი რამ
  90. გააკეთე საჩუქარი ვინმესთვის შენი ხელით
  91.  გააკეთე სხვადასხვა სახალისო ექსპერიმენტები
  92. დახატე ზაფხული
  93. გაუგზავნე მადლობის ბარათი ადამიანს, რომელიც შენი შთაგონების წყაროა
  94. გამართე ხელთნაკეთი ნავების შეჯიბრება
  95. მოაწყვე „წუწაობის“ დღე
  96. ისწავლე სახალისო ფიგურების ძერწვა
  97. გააკეთე რაიმე ლამაზი ნივთი ნიჟარების გამოყენებით
  98. გააკეთე წიგნის სანიშნი
  99. გამართე კონცერტი მეგობრებთან ერთად
  100. გააკეთე სათამაშო გირჩებით
  101. გაიღიმე, ღიმილი გადამდებია.


%(count)s კომენტარი

არქეოლოგიური გათხრები ზღვის სანაპიროზე

ზღვა და ქვიშა გართობის ბევრ სშუალებას სთავაზობს ბავშვებს, თუმცა არც ქვიან სანაპიროზე მოიწყენთ თუ მოინდომებთ:)

შარშან, ზღვაზე დასვენების დროს, ქვიშის კოშკების აშენებასა და ქვიშის აბაზანების მიღებას, კიდევ ერთი სახის სახალისო გასართობი დავამატეთ: არქეოლოგიური გათხრები ზღვის სანაპიროზე, უფრო კონკრეტულად კი არქეოლოგიური გათხრები დინოზავრების ჩონჩხის აღმოსაჩენად:)

ამ მიზნით შევიძინეთ ბევრი დინოზავრი (უფრო სწორად, დინოზავრის ჩონჩხი :)) ვედროები და ნიჩბები კი ისედაც გვქონდა.

თამაშის დასაწყებად ბავშვებს ვთხოვე ცოტა ხნით სხვაგან გასეირნება და ამ დროს ნიჟარებით მონიშნულ ადგილას ქვიშაში ჩავმალე 16 დინოზავრის ჩონჩხი.

სამუშაოს დასრულების შემდეგ მოვუხმე ბავშვებს, დავურიგე ნიჩბები და ვედროები და ბავშვებიც შეუდგნენ ძებნას.

????????????????????????????????????

დინოზავრების ჩონჩხის ძიება დაიწყო

ბავშვები ძალიან დიდი მონდომებით ატარებდნენ არქეოლოგიურ გათხრებს და არ ერიდებობდნენ არანაირ დაბრკოლებას:)

????????????????????????????????????

სალი, ნინი და მარი ძიების პროცესში

და აი პირველი აღმოჩენაც. ნინიმ დინოზავრის ჩონჩხი იპოვა:)

????????????????????????????????????

ნინის პირველი აღმოჩენა

სალი და მარი კი აგრძელებენ ძიებას მთელი სერიოზულობით.

????????????????????????????????????

ნიდი და სალი

ბოლოს ისე მოხდა, რომ ყველამ თანაბარი რაოდენობის დინოზავრები იპოვა.

????????????????????????????????????

მარი თავისი ჩონჩხებით

ესეც მარის მონაპოვარი დინოზავრის ჩონჩხები

????????????????????????????????????

სალომე

ესეც თავისი მონაპოვარით აღფრთოვანებული სალომე.

????????????????????????????????????

დინოზავრების სამყარო

ძიების დასრულების შემდეგ, გოგონები გადავიდნენ დინოზავრების სამყაროს შექმნაზე.

????????????????????????????????????

ასე დასრულდა ერთი მშვენიერი ზაფხულის დღე ზღივს სანაპიროზე ახალ თამაშთან ერთად.

როგორც დინოზავრების თემის გაგრძელება, ჩვენი შემდეგი მოგზაურობა დავგეგმეთ სათაფლიის ნაკრძალში. აქ შეგიძლიათ ნახოთ ჩვენი ამ მოგზაურობის პატარა ვიდეო.

გამოწერა

Get every new post delivered to your Inbox.

Join 197 other followers