პატარა ჟირაფი

ბავშვის აღზრდა და განათლება


5 Comments

ჩვენი ჯადოსნური მინიატურული სოფელი

როგორც ყველა, ჩვენც ვცდილობთ ხოლმე ზაფხული საინტერესოდ გავატაროთ. ამისთვის ზაფხულის დაწყებამდე (ან დასაწყისში მაინც) ვგეგმავთ სახალისო აქტივობების სიას, რომლებიც შეიძლება გავაკეთოთ მთელი ზაფხულის განმავლობაში. სიას, როგორც წესი, ზუსტად არასოდეს მივყვებით, მაგრამ ასეთი გეგმის არსებობა გვეხმარება მიმართულების არჩევაში და საინტერესო აქცენტების გაკეთებაში.

შარშან ზაფხულსაც გავაკეთეთ ასეთი სია და ბევრი საინტერესო რამ ავირჩიეთ გასაკეთებლად. როგორც მოსალოდნელი იყო, ბევრი რამ დაგვრჩა განუხორციელებელი, მაგრამ ბევრი რამეც მოვახერხეთ. ერთ-ერთი ასეთი რამ იყო ჯადოსნური მინიატურული სოფლის გაკეთება.

ეს ამბავი დაიწყო ჩვენი საყვარელი საქმით – ქვების მოხატვით. ამ საქმის გასაკეთებლად კი ინსპირაცია მოგვცა იმ ქვებმა, რომლებსაც პატარა სახლების ფორმა ჰქონდა. ასეთ ქვებს აბა ხელიდან როგორ გავუშვებდით და შევუდექით საქმეს. შევღებეთ ნაპოვნი ქვები და ვაქციეთ ისინი პატარა ჯადოსნურ სახლებად.

ქვების მოხატვა

შემდეგ ამ სახლებს მოვუძებნეთ პატარა მყუდრო ადგილი და თითოელმა მათგანმა დაიკავა თავისი კუთვნილი ადგილი მომავალ სოფელში. ჯადოსნური სოფელისახლებისთვის ადგილის გამოყოფასთან ერთად ნელ-ნელა გაგვიჩნდა ახალ-ახალი იდეები. ყოველ დღე ვფიქრობდით იმაზე თუ როგორ შეიძლებოდა ჩვენი სოფლის კიდევ უფრო გალამაზება და ჯადოსნური ელფერის კიდევ უფრო გაძლიერება. მოკლედ ასე გაჩნდა ერთ-ერთ სახლთან პირველი ბილიკი.

ლობიოს თესლები

მეტი ჯადოსნურობისთვის გადავწყვიტეთ, რომ ჩვენს სოფელს სჭირდებოდა ხეები და ამ საქმისთვის აბა ლობიოზე უკეთესი რა უნდა ყოფილიყო. მოკლედ ბავშვებმა დათესეს ლობიო ამ პატარა სოფელში და ყოევლდღე ამოწმებდნენ მათი ზრდის ტემპს.

მოვლამ და ზრუნველობამ შედეგი გამოიღო და ჩვენი ლობიოს ხეებიც ნელ-ნელა გადაიქცნენ ჯადოსნურ ხეებად.

სოფელი ჭის გარეშე ხომ ვერ იქნებოდა? ჰოდა, ჩვენც გავუკეთეთ სოფელს ერთი პაწაწუნა ჭა.

დავამონტაჟეთ ჭა 🙂 და გავიყვანეთ ბილიკები

ჯადოსნური სოფელი ჯადოსნური სოკოების გარეშე ხომ არ შეიძლება? ნამდვილად არა! ამიტომაც შევუდეგით ზღაპრული სოკოების გაკეთებას.

თიხის სოკოები

ესეც ჩვენი ჯადოსნური სოკოები

ჯადოსნური სოკოები

სოკოებს დაემატა ჯადოსნური კაფე 🙂

მინიატურული კაფ

შემდეგ აუზი თავისი ოქროს თევზებით

ოქროს თევზები

შემდეგ ფერადი ჰამაკი

მინიატურული ჰამაკი

ჭასთან ფერადი ვედრო. შემდეგ ნელ-ნელა გაჩდნა მოსახლეობაც.

ჯუჯების ჭა

ჯერ ჭიამაიები

23შემდეგ კი ლოკოკინები

ლოკოკინები

ბოლოს სოფელში პატარა ჯუჯიკოც კი გამოჩდნა

ჯადოსნური კაფეჩვენი სახალისო პროექტზე მუშაობის ბოლო ეტაპზე კი მოხდა განსაკუთრებული რამ, ჩვენს სოფელთან საიდანღაც მოულოდნელად გაჩდნა ზღარბი, რაც ბავშვებისთვის იყო სრული საოცრება.

ზღარბი ჯადოსნურ სოფელშიმოკლედ ასეთი სახალისო რამ გავაკეთეთ შარშან ზაფხულს, რომელმაც დიდი და პატარა ერთნაიარად გაახალისა.

ჯადოსნური მინიატურული სოფელი


დატოვე კომენტარი

როგორ გავაკეთოთ პინგვინი მუყაოს რულონის გამოყენებით

თუ გადაწყვიტეთ მხიარული ცხოველების გაკეთება ბავშვებთან ერთად, მაგრამ არ იცით, როგორ გააკეთოთ,  ნუ იღელვებთ. აქ ნაჩვენები სურათები, სადაც წარმოდგენილია მუყაოს რულონით პინგვინის გაკეთების თითოეული ეტაპი, დაგარწმუნებთ იმაში, რომ ასეთი რამის გაკეთება სულაც არ არის რთული. აქ მთავარია სურვილი და მონდომება.

პინგვინის გასაკეთებლად დაგჭირდებათ სამზარეულოს ქაღალდის გამოყენების შემდეგ დარჩენილი მუყაოს რულონი,  შავი, ნარინჯისფერი და თეთრი ქაღალდი, შავი საღებავი, მაკრატელი და წებო.

PENGUIN

 

თავდაპირველად მიეცით მუყაოს სასურველი ზომა – ანუ რა ზომის პინგვინის გაკეთებაც გსურთ. შემდეგ შეღებეთ მუყაო შავად. ამოჭერით ფრთები, ნისკარტი, ფეხები, თეთრი გულმკერდის ფორმა. დიდი და პატარა ზომის მრგავლი ფორმები თეთრი და შავი ქაღალდისგან თვალებისთვის (თუ ჭყეტელა თვალები გაქვთ, შეგიძლიათ პირდაპირ ის გამოიყენოთ) და ბოლოს სურათზე ნაჩვენები ფორმის ნარინჯისფერი ქაღალდი გვირგვინისთვის. ამისათვის ქაღალდს უბრალოდ ჩაჭრით წვრილ ხაზებად.

????????????????????????????????????

ამოჭრის დასრულების შემდეგ ვიწყებთ ფორმების დაწებების პროცესს. ვიწყებთ გულმკერდის ფორმით.

????????????????????????????????????

შემდეგ გადავდივართ თვალებზე. ჯერ ვაწებებთ ოდნავ დიდი ზომის თეთრ მრგავლ ფორმას და თეთრზე ზემოდან ვაწებებთ პატარა შავ წრეებს.

????????????????????????????????????

შემდეგ ვაწებებთ ნისკარტს.

ჩვენი ნამუშევარი უკვე დაემსგავსა პინგვინს, თუმცა ჩვენ არ ვჩერდებით და ვამატებთ სხვა დეტალებს, რომ ის კიდევ უფრო საყვარელი გახდეს 🙂

????????????????????????????????????

ვაწებებთ ფრთებს.

იმისათვის, რომ არ მოგვიწიოს ფრთების ხელებით დიდხანს დამაგრება, შეგვიძლია გამოვიყენოთ დამჭერი.

????????????????????????????????????

სანამ წებო შრება ფრთებზე, ჩვენ შეგვიძლია დრო არ დავკარგოთ და პინგვინს მივაწებოთ ფეხები.

????????????????????????????????????

ჩვენი სამუშაოს დამაგვირგვინებელი ეტაპია თვით გვირგვინის დამაგრება და ჩვენი სამეფო პინგვინიც მზად არის.

იმედი მაქვს, ეს სურათები გამოგადგებათ ერთი ლამაზი დღის, ბავშვებთან ერთად, კიდევ უფრო ლამაზად გატარებაში.


3 Comments

101 რამ, რაც გაახალისებს ბავშვებს ამ ზაფხულს

ზაფხული, მხიარულებისა და საინტერესო თავგადასავლების დროა, მაგრამ ხდება ისეც, რომ ხანდახან არ ვიცით რით გავერთოთ.

სწორედ ასეთ დღეებში შეიძლება გამოგადგეთ სია, რომელიც შეიცავს 101 იდეას ზაფხულის გასახალისებლად:

  1. გადაიღე პატარა ფილმიმაისურის ღებვა
  2. მოინახულე საინტერესო ადგილი
  3. ხელით მოხატე მაისური
  4. გამართე ოჯახური თამაშების საღამო
  5. გააკეთე მზის საათი
  6. ჩაატარე არქეოლოგიური გათხრები ზღვის სანაპიროზე
  7. გადაიღე სასაცილო სურათები
  8. დადგი სპექტაკლი მეგობრებთან ერთად
  9. ესტუმრე ბოტანიკურ ბაღს
  10. გაატარე რამდენიმე დღე ტელევიზორისა და კომპიუტერის გარეშე.
  11. დალაშქრე მთები
  12. გააკეთე სახალისო აპლიკაციები????????????????????????????????????
  13. ეწვიე ბიბლიოთეკას
  14. ააგე ქვიშის კოშკები
  15. დარგე ყვავილები
  16. დატკბი მზის ჩასვლით
  17. გააკეთე ფრანი შენ თვითონ
  18. დაწერე ზღაპარი
  19. შეხვდი მზის ამოსვლას მთაში
  20. მოიფიქრე ახალი თამაში
  21. გააკეთე ჭიანჭველების ფერმა
  22. აწარმოე დღიური
  23. ისწავლე როგორ გააკეთო ჭიამაიაების სახლი
  24. გაისეირნე ბუნებაში????????????????????????????????????
  25. გააკეთე თოჯინების თეატრი
  26. ეწვიე მუზეუმს
  27. გააკეთე ყვავილების გვირგვინი
  28. წადი სათევზაოდ
  29. წაიკითხე საინტერესო წიგნები
  30. გაბერე გიგანტური საპნის ბუშტები
  31. მოხატე ქვები
  32. ისწავლე ორიგამების გაკეთება
  33. გააკეთე ჩრდილების თეატრი ფანრის გამოყენებით
  34. გააკეთე სათამაშო ასანთის კოლოფით
  35. გააკეთე შენი ეზოს ან უბნის რუკა
  36. გააკეთე ჰერბარიუმი
  37. გაზარდე თავკომბალები და გაუშვი გუბურაში
  38. ისწავლე ხეზე აძრომა
  39. მოაწყვე მხიარული პიკნიკი
  40. დაიჭირე ციცინათელები, დააკვირდი და გაუშვი
  41. დახატე ნახატები ცარცით
  42. გამოაცხვე ნამცხვარი
  43. მოაწყვე შენი ნახატების გამოფენა
  44. დაიჭირე პეპლები (და გაშვებაც არ დაგავიწყდეს)
  45. გააკეთე ხილის ნაყინი
  46. მოიფიქრე ლექსები
  47. იპოვე ფიგურები ღრუბლებში
  48. წადი მდინარეზე ან ტბაზე
  49. გააკეთე  ნავი შენ თვითონ
  50. ისწავლე ახალი ცეკვა
  51. მოაწყვე ქაღალდის თვითმფრინავების შეჯიბრება
  52. გააკეთე მუყოას სახლი
  53. ისწავლე ახალი ფოკუსი
  54. დახატე ავტოპორტრეტი
  55. ივარჯიშე დილაობით
  56. გაუკეთე ვინმეს ძალიან მაგარი სიურპრიზი
  57. მოაწყვე პატარა წვეულება????????????????????????????????????
  58. გააცოცხლე ნივთები ჭყეტელა თვალებით
  59. იცეკვე წვიმაში
  60. გაისეირნე ნავით
  61. გააკეთე მახსოვრობის კარტები შენ თვითონ
  62. გააკეთე სამეფო ან სადედოფლი გვირგვინი
  63. გაისეირნე პარკში
  64. გააკეთე თოჯინა შენ თვითონ
  65. გააფორმე ძველი აბაჟური
  66. შექმენი ფიგურები ფერადი წებოვანი ბურბუშელით
  67. გააკეთე ჩიტუნების სახლი
  68. გააკეთე ანბანი ქვებზე
  69. გააკეთე ინდიელის გვირგვინი
  70. გააკეთე მშვილდისარი
  71. გააკეთე ლარნაკი პლასტმასის ბოთლის გამოყენებით
  72. გააკეთე მხიარული წიგნის სანიშნი
  73. ეწვიე სათაფლიის ნაკრძალს და გაიგე მეტი დინოზავრებზე
  74. შექმენი სახალისო ხელოვნების ნიმუში
  75. დათესე ვაშლის ხეები????????????????????????????????????
  76. გააკეთე სამაჯურები ფერადი რეზინებით
  77. ისწავლე მოლეკულების შესახებ ჯადოსნური რძის ექსპერიმენტით
  78. მოიფიქრე გამოცანები
  79. გაუკეთე სიკეთე უცნობ ადამიანს
  80. გაბერე ბუშტი სოდისა და ძმრის საშუალებით
  81. დატოვე წერილი შემდეგი მკითხველისთვის ბიბლიოთეკის წიგნში
  82. დაუთმე ვინმეს რიგი
  83. დაასუფთავე რომელიმე ადგილი მეგობრებთან ერთად
  84.  გააკეთე ჯადოსნური მინიატურული სოფელი
  85. დაურეკე ძველ მეგობარს
  86. ისწავლე სიმკრვივეზე და ტივტივზე ფორთოხლის ექსპერიმენტით
  87.  წაუკითხე წიგნი მოხუცს
  88. მიესალმე ხალხს ქუჩაში
  89. ვინმეს ასწავლე ახალი რამ
  90. გააკეთე საჩუქარი ვინმესთვის შენი ხელით
  91.  გააკეთე სხვადასხვა სახალისო ექსპერიმენტები
  92. დახატე ზაფხული
  93. გაუგზავნე მადლობის ბარათი ადამიანს, რომელიც შენი შთაგონების წყაროა
  94. გამართე ხელთნაკეთი ნავების შეჯიბრება
  95. მოაწყვე „წუწაობის“ დღე
  96. ისწავლე სახალისო ფიგურების ძერწვა
  97. გააკეთე რაიმე ლამაზი ნივთი ნიჟარების გამოყენებით
  98. გააკეთე წიგნის სანიშნი
  99. გამართე კონცერტი მეგობრებთან ერთად
  100. გააკეთე სათამაშო გირჩებით
  101. გაიღიმე, ღიმილი გადამდებია.


3 Comments

თამაში – “ნადირობა ასოებით”

საღამოობით, როცა ყველანი სახლში ვართ, მარის ძალიან უყვარს მშობლებთან ერთად თამაში და თან საკმაოდ დაჟინებით ითხოვს ამას 🙂 ვფიქრობ, რომ სამართლიანი თხოვნაა, რადგანაც მთელი დღე ყველანი ჩვენი საქმეებით ვართ დაკავებული და ხომ უნდა იყოს რაღაც დრო დღის განმავლობაში, რომელსაც ერთმანეთეთთან ურთიერთობისთვის გამოვყოფბთ. ვფიქრობთ, რომ ეს აუცილებელიცაა, იმისთვის, რომ მუდმივად შენარჩუნებული იყოს მშობლებსა და შვილებს შორის სიახლოვე და რომ ჩვენ ყოველთვის კარგად გვესმოდეს ერთმანეთის.

სწორედ ამ მიზეზით, საღამოს თამაშები (იშვიათი გამონაკლისების გარდა) ჩვენი დღის განუყოფელი ნაწილია. ამისთვის თამაშების სიაც კი გავაკეთეთ, რომ მერე გადავხედოთ და შევარჩიოთ ის, რაც იმ დღეს უფრო გაგვიხარდება. იმისთვის, რომ თამაშები მოსაბეზრებელი არ გახდეს, ვცდილობ მოვიძიო ან თუნდაც მოვიფიქრო ახალი თამაშები.

რამდენიმე დღის წინ ერთი ახალი თამაშიც მოვიფიქრე, რომელსაც დავარქკვი “ნადირობა ანბანით”. თამაშის არსი იმაში მდგომარეობს, რომ ბავშვმა უნდა იპოვოს ანბანის ყველა ასოზე ნივთები, ადამიანები, ცხოველები ა.შ. რაც მის გარშემოა. ამ მიზნით წინასწარ მოვამზადე მარისთან ერთად ფურცელი, სადაც ანბანის ყველა ასო იყო ჩამოწერილი.

ანბანი

ამ ფურცლების მომზადებაც ერთგვარი თამაშის ნაწილი გახდა, რადგანაც ერთობლივად გავაკეთეთ.

ამის შემდეგ დაიწყო ძიების პროცესი. მარის ავუხსენი თამაშის წესები და ისიც შეუდგა საქმეს.

თამაში

ძიება დაიწყო მთელ სახლში…

პატარა ჟირაფი

ძიების პროცესში, მარი ავსებდა იმ ასოებს, რომელსაც პოულობდა…

პატარა ჟირაფი (2)

საბოლოო შედეგი ფრიად სახალისო გამოვიდა 🙂

თამაში ნადირობა ანბანით

მარიმ იპოვა სახლში ყველა ასოზე რაღაც და ამ პროცესით საკმაოდაც იხალისა 🙂

იმედია თქვენც მოგეწონებათ ეს მარტივი და სახალისო თამაში. თან კარგი ისაა, რომ ეს თამაში შეგიძლიათ სხვა და სხვა ადგილას ითამაშოთ, თუნდაც პარკში, ზოოპარკში, ეზოში და ა.შ. ასე სულ განსხვავებული სიტყვების პოვნა იქნება შესაძლებელი ყოველი თამაშის დროს.


%(count)s კომენტარი

როგორ გავაკეთოთ სამაჯური ფერადი რეზინების საშუალებით

ზამთრის არდადეგებზე ვცდილობთ ბევრი ახალი რამ ვისწავლოთ. ერთ–ერთი რამ, რაც მარის ძალიან უნდოდა ესწავლა იყო – სამაჯურების გაკეთება პატარა ფერადი რეზინების საშუალებით. მოვახერხეთ და ეს გეგმა განვახორციელეთ, რის შემდეგაც მარის ძალიან მოუნდა სხვა ბავშვებისთვისაც გაეზიარებინა ის, რაც თვითონ ისწავლა. მისი თხოვნით ჩავწერეთ ვიდეო, სადაც მარი გაჩვენებთ სამაჯურის გაკეთების მარტივ ხერხს 🙂


2 Comments

ახალი წლის მოლოდინის კალენდარი

მშობლებმა კარგად ვიცით თუ როგორ მოუთმენლად ელიან ბავშვები ახალ წელს და როგორ კითხულობენ ყოველ დღე და ზოგჯერ დღეში რამდენჯერმეც თუ რამდენი დღე დარჩა ახალი წლის მოსვლამდე. ამ მოლოდინის სასიამოვნო პროცესად გადასაქცევად არსებობს ერთი ლამაზი და სასიამოვნო ტრადიცია – მოლოდინის კალენდრის შექმნა, რომელსაც ხშირად თან ახლავს ხოლმე პატარა სიურპრიზები.

მიუხედავად იმისა, რომ ეს ტრადიცია საქართველოში არ არის ფეხმოდგმული და ძირითადად დასავლეთის ქვეყნებშია ცნობილი სახელწოდებით – Christmas Advent Calendar, ჩვენ გადავწყვიტეთ ჩვენს სახლშიც შემოგვეტანა ის, რადგანაც მარიც ისევე, როგორც დასავლეთში მცხოვრები ბავშვები, მოუთმენლად ელოდება დღესასწაულებს და ისიც სულ კითხულობს თუ რამდენი დღე დარჩა ახალ წლამდეო 🙂

უკვე მეორე წელია მსგავს კალენდარს ვაკეთებთ. შარშან კალენდრი ასეთი მარტივი ვარიანტი გავაკეთეთ, სადაც მხოლოდ დღეების დათვლა იყო ძირითადი მიზანი და თითეული განვლილ დღეს მარი აწებებდა ბამბას სანტა კლაუსის წვერს.

TOMFO-DIY-Santa-adventcalendar

წელს გადავწყვიტეთ კალენდრის უფრო კომპლექსური სისტემა მოგვეფიქრებინა, სადაც ახალ წლამდე დარჩენილი დღეების დათვლას პატარა სიურპრიზებიც დაემატებოდა 🙂

ამისთვის მარიმ და მე ჩვენი ხელით გავაკეთეთ 31 პაწაწუნა კონვერტი დეკემბრის ყველა დღის აღსანიშნავად, გაუკეთეთ ფონი და ნაძვის ხის ფორმითა დავამაგრეთ კედელზე და თან გავაფორმეთ ნაძვის ხის მსგავსად.

DSC_0395

ამ კალენდის სიურპრიზი კი გახდა ჩემი წერილები მარისადმი, რომელსაც ის ყოვედღიურად იღებს ახალი წლის დადგომამდე.

DSC_0400

ყოველ დღე, ახალი წლის დადგომამდე მარი მიდის ამ კალენდართან და მოუთმენლად ელოდება იმას, თუ რა წერილი დახვდება იმ დღეს მას ახალ კონვერტში და თან იმის დასათვლელად თუ რამდენი დღე დარჩა ახალ წლამდე ანუ საჩუქრების მიღებამდე 🙂

DSC_0406

წერილების შინაარსი კი ისეთია, რაც მარის გაუხარდება რა თქმა უნდა და ყოველ დღე განსხვავებული შინაარსით 🙂

DSC_0438

ჩვენ ვფიქრობთ, რომ ძალიან მხიარული და სასიამოვნო ტრადიციაა. ამიტომაც ვაპირებთ მომდევნო წლებშიც გავაგრძელოთ და თან ყოველწლიურად ამ კალენდრის ახალი ვარიანტები მოვიფიქროთ.


2 Comments

მუყაოს რულონით გაკეთებული ნაძვის ხის სათამაშო

ამჯერად გადავწყვიტეთ ნაძვის ხის სათამაშოების გაკეთება მუყაოს რულონით, რომელიც სამზარეულოს ქაღალდის გამოყენების შემდეგ რჩება. ამ მიზნისთვის კი მოვიმარაგეთ:

1. მუყაოს რულონი

2. საღებავი

3. მაკრატელი

4. ფუნჯი

5. სილიკონის წებო

6. მძივები გასაფორმებლად

ჩვენი კუ ემილია კი ამ პროცესის ზედამხედველი იყო 🙂

DSC_0226

პირველ ეტაპზე შევღებეთ ქაღალდის რულონი

DSC_0231

საღებავის გაშრობის შემდეგ, დავჭერით რულონი თანაბარ ნაწილებად

DSC_0232

ერთი ნაძვის ხის სათამაშოსთვის გამოვიყენეთ ხუთი თანაბარი ზომის რულონის შეღებილი ნაჭერი, რომლებიც შევღებეთ შიგნიდანაც და გაშრობის შემდეგ ერთმანეთს დავამაგრეთ სილიკონის წებოს საშუალებით. შემდეგ კი დავიწყეთ მძივებით გაფორმების სასიამოვნო პროცესი 🙂

DSC_0243

საბოლოოდ გაფორმება ასეთი გამოგვივიდა

DSC_0244

ბოლოს დავამაგრეთ ლენტები ორივეს და მარიც მზად იყო მათ დასაკიდად ნაძვის ხეზე 🙂

DSC_0278

მოკლედ როცა ვცადეთ მივხვდით, რომ ამ ყველაფრის გაკეთება ბევრად უფრო ადვილი იყო ვიდრე გვეგონა 🙂

DSC_0285

გილოცავთ დამდეგ შობა-ახალ წელს! 🙂