როგორც ყველა, ჩვენც ვცდილობთ ხოლმე ზაფხული საინტერესოდ გავატაროთ. ამისთვის ზაფხულის დაწყებამდე (ან დასაწყისში მაინც) ვგეგმავთ სახალისო აქტივობების სიას, რომლებიც შეიძლება გავაკეთოთ მთელი ზაფხულის განმავლობაში. სიას, როგორც წესი, ზუსტად არასოდეს მივყვებით, მაგრამ ასეთი გეგმის არსებობა გვეხმარება მიმართულების არჩევაში და საინტერესო აქცენტების გაკეთებაში.
შარშან ზაფხულსაც გავაკეთეთ ასეთი სია და ბევრი საინტერესო რამ ავირჩიეთ გასაკეთებლად. როგორც მოსალოდნელი იყო, ბევრი რამ დაგვრჩა განუხორციელებელი, მაგრამ ბევრი რამეც მოვახერხეთ. ერთ-ერთი ასეთი რამ იყო ჯადოსნური მინიატურული სოფლის გაკეთება.
ეს ამბავი დაიწყო ჩვენი საყვარელი საქმით – ქვების მოხატვით. ამ საქმის გასაკეთებლად კი ინსპირაცია მოგვცა იმ ქვებმა, რომლებსაც პატარა სახლების ფორმა ჰქონდა. ასეთ ქვებს აბა ხელიდან როგორ გავუშვებდით და შევუდექით საქმეს. შევღებეთ ნაპოვნი ქვები და ვაქციეთ ისინი პატარა ჯადოსნურ სახლებად.
შემდეგ ამ სახლებს მოვუძებნეთ პატარა მყუდრო ადგილი და თითოელმა მათგანმა დაიკავა თავისი კუთვნილი ადგილი მომავალ სოფელში. სახლებისთვის ადგილის გამოყოფასთან ერთად ნელ-ნელა გაგვიჩნდა ახალ-ახალი იდეები. ყოველ დღე ვფიქრობდით იმაზე თუ როგორ შეიძლებოდა ჩვენი სოფლის კიდევ უფრო გალამაზება და ჯადოსნური ელფერის კიდევ უფრო გაძლიერება. მოკლედ ასე გაჩნდა ერთ-ერთ სახლთან პირველი ბილიკი.
მეტი ჯადოსნურობისთვის გადავწყვიტეთ, რომ ჩვენს სოფელს სჭირდებოდა ხეები და ამ საქმისთვის აბა ლობიოზე უკეთესი რა უნდა ყოფილიყო. მოკლედ ბავშვებმა დათესეს ლობიო ამ პატარა სოფელში და ყოევლდღე ამოწმებდნენ მათი ზრდის ტემპს.
მოვლამ და ზრუნველობამ შედეგი გამოიღო და ჩვენი ლობიოს ხეებიც ნელ-ნელა გადაიქცნენ ჯადოსნურ ხეებად.
სოფელი ჭის გარეშე ხომ ვერ იქნებოდა? ჰოდა, ჩვენც გავუკეთეთ სოფელს ერთი პაწაწუნა ჭა.
დავამონტაჟეთ ჭა 🙂 და გავიყვანეთ ბილიკები
ჯადოსნური სოფელი ჯადოსნური სოკოების გარეშე ხომ არ შეიძლება? ნამდვილად არა! ამიტომაც შევუდეგით ზღაპრული სოკოების გაკეთებას.
ესეც ჩვენი ჯადოსნური სოკოები
სოკოებს დაემატა ჯადოსნური კაფე 🙂
შემდეგ აუზი თავისი ოქროს თევზებით
შემდეგ ფერადი ჰამაკი
ჭასთან ფერადი ვედრო. შემდეგ ნელ-ნელა გაჩდნა მოსახლეობაც.
ჯერ ჭიამაიები
შემდეგ კი ლოკოკინები
ბოლოს სოფელში პატარა ჯუჯიკოც კი გამოჩდნა
ჩვენი სახალისო პროექტზე მუშაობის ბოლო ეტაპზე კი მოხდა განსაკუთრებული რამ, ჩვენს სოფელთან საიდანღაც მოულოდნელად გაჩდნა ზღარბი, რაც ბავშვებისთვის იყო სრული საოცრება.
მოკლედ ასეთი სახალისო რამ გავაკეთეთ შარშან ზაფხულს, რომელმაც დიდი და პატარა ერთნაიარად გაახალისა.
გამოხმაურება: 101 რამ, რაც გაახალისებს ბავშვებს ამ ზაფხულს | პატარა ჟირაფი
ივნისი 22, 2016, 9:30 AM
გაცოცხლებული ზღაპარი! საოცრებაა, როგორი საინტერესო წამოწყება და ხარისხიანი შესრულებაა ❤
LikeLiked by 1 person
ივნისი 22, 2016, 10:24 AM
მადლობა 🙂
LikeLike
ივნისი 22, 2016, 9:35 AM
ორი კითხვა მაქვს: რით ღებავთ ქვებს და რა მასალისგანაა შექმნილი ლოკოკინები და კაფე?
LikeLike
ივნისი 22, 2016, 10:31 AM
ქვებს ვღებავთ აკრილის საღებავებით, რომელიც სამხატვრო მაღაზიებში იყიდება. რაც შეეხება ლოკოკინებს პოლიმერული თიხით გავაკეთეთ (ჩვენ გამოვიწერეთ), მაგრამ მგონი იყიდება ასევე სამხატვრო მაღაზიებში. კაფე ჩვეულებრივი თიხით გავაკეთეთ, ოღონდ შემდეგ წავუსვით ლაქი, რომ წვიმისგან არ დაზიაებულიყო და ლაკმა დაიცვა წვიმისგან (ზოგიერთი სოკო დაგვრჩა ლაქის გარეშე და გაგვიფუჭდა წვიმაში). ჩვენ გამოვიყენეთ სამხატვრო მაღაზიაში ნაყიდი ლაქი (თუმცა ალბათ სარემონტო სამუშაოების დროს გამოყენებული ლაკიც გამოდგება)
.
LikeLike