როგორ გავაფორმეთ ძველი აბაჟური

იანვარი 9, 2013 by თამუნა გაბისონია 8 Comments

სახლში გვქონდა ძველი მოსაწყენი აბაჟური, რომელიც ისე დაძველდა, რომ ზოგიერთი ადგილი დაუზიანდა კიდეც. მოკლედ გადავწყვიტეთ ამ აბაჟურის გახალისება.

ინტერნეტში ადრე ნაპოვნი ღილებით გაფორმებული აბაჟურის აი ამ სურათმა მოგვცა შთაგონება, მაგრამ ჩვენდა სამწუხაროდ სახლში საკმარისი რაოდენობის ფერადი ღილები არ აღმოგვაჩნდა, რომ ჩვენც მსგავსი რამ გაგვეკეთებინა.

თუმცა ამან ვერ შეგვაჩერა და სხვა რამ მოვიფიქრეთ. ავიღეთ იგივე მასალა, რაც თოჯინას გაკეთების შემდეგ შემოგვრჩა (ანუ ავიღეთ ის რბილი ნაჭრები, რომელიც მაღაზიაში სახლის მოვლის სხვა საშუალებთან ერთად იყიდება და ძირითადად მაგიდის ტილოდ გამოიყენება).

სხვადასხვა ფერის ამ ნაჭრებისგან ამოვჭერით ყვავილები და ასევე ყვავილის გულები და სათითაოდ მივამაგრეთ ისინი აბაჟურს სილიკონის წებოს გამოყენებით.

და აი საბოლოო შედეგიც.

ამ ყველაფრის გაკეთება იყო საკმაოდ მარტივი. რაც მთავარია ბავშვისთვის საკმაოდ სახალისო იყო ამ პროცესში მონაწილეობა და მარი ძალიან ამაყობდა საბოლოო შედეგით.