საშობაო ბაზრობა თბილისის თავისუფალი ვალდორფის საბავშვო ბაღში

დეკემბერი 18, 2012 by თამუნა გაბისონია 4 Comments

15 დეკემბერს თბილისის თავისუფალი ვალდორფის საბავშვო ბაღში გაიმართა საშობაო ბაზრობა, სადაც შესაძლებელი იყო ბაღისა და სკოლის მასწავლებლებისა და სკოლის მოსწავლეების მიერ შექმნილი ხელნაკეთი ულამაზესი საახალწლო საჩუქრებისა და სათამაშოების შეძენა.

გარდა ამისა ბაზრობაზე ასევე იყო საშობაო კაფე, სადაც იყიდებოდა მშობლების მიერ გამომცხვარი გემრიელი ტკბილეული. ბავშვებს, მშობლებს და მათ სტუმრებს ასევე შესაძლებლობა ჰქონდათ ამოევლოთ ჩურჩხელა ეზოში და ადგილზევე დაეგემოვნებინათ. მოკლედ ამ საშობაო ბაზრობაზე ხალისიანი და საზეიმო განწყობა სუფევდა.

წელს პირველად ჩვენც ამ ბაზრობის მონაწილეები ვიყავით და როგორც მშობლების უმრავლესობამ ჩვენც მივიტანეთ ტკბილეული საშობაო ბაზრობის კაფესთვის.

ესეც ჩვენი საფირმო ტკბილეული J რომელიც მარიმ და მე მოვამზადეთ დილით ბაზრობაზე წასვლამდე.

ბაზრობაზე როდესაც მივედით იქ უკვე დიდი ფუსფუსი იყო. საშობაო კაფეშიც, ეზოშიც და ბაზრობის დახლებთან ყველგან ხალხი მრავლად იყო. საშობაო კაფეს კი ვალდორფის სკოლის ბავშვები მუსიკალურად აფორმებდნენ, რაც უფრო ალამაზებდა სიტუაციას.

ესეც ბაზრობის კაფეზე წარმოდგენილი ტკბილეული და ხაჭაპურები.

 პატარა ანა და მარი საშობაო ბაზრობის კაფეში

ესეც ჩურჩხელების ამოვლების პროცესი ეზოში.

ესეც მხიარული საშობაო ბაზრობა და ამაყი ხელოვანები 🙂

თექისგან გაკეთებული ნაძვის ხის სათამაშოები.

ძალიან ლამაზი ფერიები და თოვლის პაპები

ესეც საინტერესო ნაძვის ხეები

ეს კი ჩვენი სტუმრები ლიკა და მარიამი

ესენი კი მარის მიერ ბაზრობაზე არჩეული საჩუქრები.

მოკლედ ბავშვებიც და მშობლებიც ძალიან კმაყოფილები დავრჩით ამ მხიარული საშობაო ბაზრობით.