გასულ შაბათს გადავწყვიტეთ ჩიტუნების სახლი (საკენკის ჩასაყრელად) რძის ყუთებიდან გაგვეკეთებინა. ყუთები შენახული გვქონდა და ველოდებოდით შესაფერის დროს ჩანაფიქრის განსახორციელებლად. შაბათს კი როგორც იქნა დადგა ეს დრო 
.
მოვამზადეთ ყველა საჭირო ნივთი: ფუნჯები, აკრილის საღებავები, მაგიდასაც ცელოფნის პარკი გადავაფარეთ და დავიწყეთ ამ ყუთების ჩიტუნების სახლებად გადაქცევის პროცესი.
ჯერ ამოვჭერით საკენკის ჩასაყრელი ფანჯარა.
ამის შემდეგ გადავღებეთ ყუთები თეთრი აკრილის საღებავით, რომ წაგვეშალა წარწერები და ფოტოები.
შემდეგ კი დაიწყო ყველაზე სასიამოვნო პროცესი – ყუთების მოხატვა
მოხატვის დასრულების შემდეგ საღებავი თმის “ფენით” გავაშრეთ და გავიქეცით ეზოში სახლების ხეზე დასაკიდებლად.
სახლებს თოკი გამოვაბით, საკენკი ჩავყარეთ და ხეზე დავკიდეთ
საბოლოოდ აი ასეთი რამ გამოგვივიდა
კარგა ხანი ველოდეთ ჩიტებს მაგრამ ახლოს არ მისულან მერე შეგვცივდა და სახლში წავედით. იმედია ჩიტებს მოეწონათ სახლები და საკენკიც მიირთვეს. ჩვენ კი ნამვილად ვიხალისეთ ამ საქმით
February 24, 2013 at 12:52 pm
ძალიან ლამაზია, მეც უნდა გავაკეთო ჩემს დიშვილთან ერთად
February 25, 2013 at 5:57 am
მადლობა
გაერთობით ძალიან!